Faah faahin ayaa ka soo baxaysa qarax ismiidaamin ah oo maanta barqadii ka dhacay bartamaha magaalada Beledweyn, markii ruux naftii hure ah uu isku qarxiyay maqaaxi ku dhow Xarunta Maamulka Gobolka Hiiraan.

Wararka ayaa sheegaya in ilaa 14-ruux ay ku dhinteen qaraxa, halka labaatameeyo kalena ay ku dhaawacmeen maqaaxida shaaha lagu cabo oo ay fariistaan dad rayid ah iyo ciidamo sida dad goob joogayaal ay inoo sheegeen.

Haweeney laheyd maqaaxida oo lagu magacaabayay Farxiyo ayaa ka mid aheyd dadkii ku dhintay goobta, waxaa ku jira dad kale oo dhalinyaro iyo odayaal ku jiraan.

Maqaaxida ayaa aheyd mid aad u camirneyd oo ay ku sugnaayeen dad fara badan oo ay ku jireen ciidamo ka tirsan dowladda Soomaaliya iyo kuwa Itoobiya.

Comments

comments