Madaxweynaha xillagan ee wadanka Mareykan-ka Barack Hussain Obama ayaa dib loogu doortey inuu sii hogaamiyo 4-ta sano ee soo socota.

Obama ayaa helay ugu yaraan wax ka badan 303 codadka Electoral-ka kaas oo ka badan intii looga baahnaa oo 270 cod ahaa.

Isagoo ka hadlayay magalada Chicago Madaxweyne Obama waxa uu gacanta u haaatnaya dadweyne faro badan oo kazoo qeyb galay xafladda dabaal dagga guusha doorashadda ee soo hoyeen.

“Waxa wada nahay Hal qoys oo American – Horey ayaa u wada soconaynaa anagoo hal dal ah”Ayuu yiri Obama. “Waan ognahay qalbiyadeena waxa ay filayaa in waxa ugu wanagsan aan heli doono”

Obama waxa uu u mahadceliyay ninkii la tartamayay ee Mitt Romney uu sheegay in isaga iyo qoyskiisa ay u shaqeeyeen dadweynaha.

Dhinaciisane isagoo ka hadlayay Magaladda Boston isagoo ka hadlayay ninka rooga badiyay doorashadan Mitt Romney, waxa uu ogolaaday in laga badiyey, isagoona qadka telefon-ka uga mahadceliyey madaxweyne Barack Obama.

“XIlligan waa mid a xaaladdo adag ku jiraan Mareykan-ka, waxana u duceynayaa madaxweynaha inuu si guul ah ku hago wadankeena” Ayuu yiri Romney

Madaxweynaha Mareykan-ka Obama waxa uu sheegay iney jirto shaqo badan oo hortaala isagoona dadweynaha u sheegay iney wada shaqeyaan si wadanka ugu baxo xaaladda shaqo la’aanta badan eek a jirta.

Hambalyadda

Madax faro badan oo caalamka ayaa durbadiiba usoo direyso hambalyo madaxweynaha 44 ee Mareykan-ka.

Ra’isal wasaaraha wadanka Ingiriiska David Cameroon ayaa ka mid ah dadka soo hambalyeeyay waxana uu fariin uu qorey Twittter-kisa ku sheegay inuu filayo iney sii wada jir ah u wada shaqeyaan.

Madaxweynaha Kenya Mwai Kibaki ayaa hambalyo u direy isagoona sheegay iney aad ugu faraxsan yihiin guusha Obama, isagoona sheegay iney ku faanayaan inuu xiriir dhalasho uu la leehyahay Kenya.

Mohamed Abdi Nor Mascud

Facebook and Twitter 

[slidepress gallery='dib-u-doorashada-obama']

Comments

comments