Dawlada Turkiga ayaa Soomaaliya ugu deeqaysa lacag dhan 506.9 million si waddanka Soomaaliya looga fuliyo mashaariic ballaaran.

Ra’iisul wasaare ku xigeenka dalka Turkiga Bekir Bozdag ayaa sheegay in ujeedka deeqdan uu yahay in Soomaaliya ay u suuragasho inay markale cagaheeda isku taagto.

Dawlada Turkiga ayaa sidoo kale sheegtay inay ka caawinayso Soomaaliya adkeynta ammaanka iyo dib u dhiska haya’daha amniga kaddib markii Al-shabaab ay weerarro la beegsaday shaqaalaha Turkiga ah ee samafalka u jooga Soomaaliya.

Turkiga ayaa sheegay inuu tababarro siinayo ciidamada booliiska iyo kuwa nabad-sugidda Soomaaliya si ay uga hortagaan falalka Qaranka ah ee ay ka geysanayso Al-shabaab magaalada Muqdisho iyo gobollada kale ee dalka.

Soomaaliya iyo Turkiga ayaa waxay sannadkii 2010 kala saxiixdeen heshiis ku saabsan in labada dal ay iska kaashadaan tababarka ciidamada dowladda Soomaaliya taasoo baarlamaanka Turkiga uu meel mariyay bishii November ee sannadkii lasoo dhaafay, halka baarlamaanka Soomaaliyana uu ansixiyay bishii July ee sannadkan.

Comments

comments