Guddoomiyaha Gobolka Mudug Maxamed Yuusuf Jaamac Tigey oo maanta la hadlay warbaahinta Magaalaad Gaalkacyo ee Xarunta Gobolka Mudug ayaa waxaa uu ka hadlay xaalada ammaan ee Magaalada Galkacyo iyo Xiriirka ka dhaxeeya Maamulka Galmudug iyo midka Puntland gaar ahaan dhinaca iskaashiga amniga.

Guddoomiyaha ayaa waxaa uu sheegay inuu sii xumaaday Xiriirka wada shqeynta dhinaca amaniga ee u dhaxeeya Maamulada Galmudug iyo Puntland kadib markii uu sheegay in Dad badan oo falal amaan darri ka soo gaystay Waqooyiga Magaalada Gaalkacyo ay u soo baxsadeen dhinaca Koonfureed uu ka taliyo Maamulka Galmudug isagoona sheegay in Maamulka Galmudug ay arrimahaasi marar badan kala hadleen isla markaana ay ka siiyeen jawaab waadix ah.

Gudoomiyaha gobolka Mudug Maxamed Yuusuf Jaamac ayaa waxaa uu xusay in dhankooda ay diyaar u yihiin in wax waliba oo lagu xalinayo ammaanka Magaalada Gaalkacyo ay ogolaan doonaan isla markaana ay Maamulka Galmudug kalashaqeyn doonaan waxaana uu ugu baaqay Madaxda ugu sareysa Maamulka Galmudug in arrintaasi ay wax ka qabtaan isla markaana laga wada shaqeeyo dhinaca amaanka maadaama mudooyinkii Dambe ay jireen falal amaanka liddi ku ah oo ka dhacayay Magaalada Gaalkacyo.

Ammaanka magaalada Gaalkacyo ayaa bilihii ugu dambeeyay faraha kabaxay taasoo keentay in maamullada Galmudug iyo Puntland ay eedaymo is waydaarsadaan iyadoo uu dhinac walba kan kale ku eedaynayo inuusan wax ka qaban falalka ammaanka wax u dhimaya.

Comments

comments