Axmed Cismaan Cilmi (Karaash) oo kamid ah hogaamiyayaasha maamulka Khaatumo ayaa markii ugu horreysay si rasmi ah u shaaciyay in joogitaanka madaxweyne ku xigeenka Puntland ee magaalada Taleex inuu salka ku hayo sidii dib loogu qabsan lahaa gobolka Sool oo haatan uu ka taliyo maamulka Somaliland.

Karaash ayaaa sheegay in c/samada Cali Shire uu u joogo deegaanadaas sidii uu uga shaqayn lahaa maslaxada dadka reer Khaatumo, isagoo eedayn kululna dusha uga tuuray qaar kamid ah hogaamiyayaasha Khaatumo oo kasoo horjeestay booqashada Madaxweyne ku xigeenka Puntland uu ku jooga magaalada Taleex oo ah meeshii looga dhawaaqay maamulka Khaatumo.

Waxaana uu Karaash eedeeyay Cali Khaliif Galaydh oo ah dadka sida wayn uga soo horjeeda in C/samad Cali Shire uu booqdo deegaannada Khaatumo.

Waana markii ugu horreysay ee masuul ka tirsan maamulka Khaatumo uu qirto in Puntland ay iska kaashanayaan sidoo loo xorayn lahaa magaalada Laascaanood oo ah xarunta gobolka Sool, taasoo gacanta ugu jirta maamulka Soomaaliland.

Comments

comments