Kooxda Alshabaabee ka dagaallanta Soomaaliya ayaa sheegatay inay ka dambaysay weerarkii shalay ka dhacay xadka dalalka Kenya iyo Soomaaliya kaasoo lagu dilay 4 askrai sida dawlada Kenya ay xaqiijisay.

Balse Alshabaab ayaa tirada askarta ay dishay ku sheegtay 5 askari oo ay ku dishay tuulada Galmagala ee ku taalla xadka wadamada Soomaaliya iyo Kenya ay wadaagaan.

Afhayeenka Alshabaab Sheekh C/casiis Abuu-Muscab oo maantay shir jaraa’id qabtay ayaa sheegay in weeraro kala duwan ay sidoo kale ka fuliyeen gudaha Soomaaliya intii lagu guda jiray bishii barakaysnayd ee Ramadanka.

Al-shabaab ayaa sheegtay inay ka fuliyeen Soomaaliya 167 weerar oo isugu jira kuwo toos ah, dilal qorsheysan iyo weliba qaraxyo, kuwaasoo intooda badan ay sheegeen inay ka fuliyeen magaalada Muqdisho.

Comments

comments