Gudoomiyaha gobolka Banaadir Maxamuud Axmed Tarzan ayaa la sheegayaa inuu sii wadan doono khudbadihiisii caanka ku ahaa hadalka iyo sheegsheegga.

Wararka aan ka xaqiijinay dad xog ogaal ah ayaa sheegaya inu duqa magaalada  markuu diiday inuu qaato jagadii wasiir ku xigeenimada uuna afka ku dhuftay inuu samayn doono maamul goboleed gobolka Banaadir ah ayaa Madaxweynuhu ku abaal mariyey inuu jagadiisa sii haysto 6 bilood oo hor leh.

Gudoomiyaha ayaa saxaafadda u sheegay inaan lagala tashan magacaabidda xubinimadiisa ee Golaha Wasiirada, isla-markaana wuxuu sheegay inaanu aqbali doonin, dad badanse waxayu u fasirteen in Duqa Magaalada uu ka anfac badan yahay wasiir ku xigeen isboorti.

6daas bilood marka ay dhacdo xaalka Tarzan meeshuu mari doono cidina garan mayso laakiin maamul goboleed afka wuu ku hayn karaa, kordhisna waa lagama maarmaan markaas.

Muuqaal: Tarzan oo kasoo horjeestay jagada loo magacaabay.

Comments

comments